இந்தியர்களுக்கு அதிர்ச்சி கொடுத்த ஐபோன் விலை : வெளிநாடுகளில் எவ்வளவு தெரியுமா?

ஆப்பிள் நிறுவனம் iPhone 18 Pro மற்றும் iPhone 18 Pro Max மாடல்களை அறிமுகம் செய்துள்ளது. இந்தியாவில் iPhone 18 Pro விலை ரூ.1,64,900-ல் தொடங்குகிறது. Pro Max மாடலின் ஆரம்ப விலை ரூ.1,79,900 ஆக நிர்ணயிக்கப்பட்டுள்ளது. இதே போன்களின் விலை அமெரிக்கா, கனடா, ஐக்கிய அரபு அமீரகம் உள்ளிட்ட நாடுகளில் எவ்வளவு என்பது குறித்த எதிர்பார்ப்பும் அதிகரித்துள்ளது.

இந்தியாவில் iPhone 18 Pro விலை

இந்திய சந்தையில் iPhone 18 Pro-வின் ஆரம்ப விலை ரூ.1,64,900 ஆகும். iPhone 18 Pro Max மாடல் ரூ.1,79,900 என்ற ஆரம்ப விலையில் அறிமுகம் செய்யப்பட்டுள்ளது.

இரண்டு மாடல்களும் 256GB, 512GB, 1TB மற்றும் 2TB சேமிப்பு திறன் கொண்டுள்ளது. அதிக சேமிப்பு திறன் கொண்ட மாடல்களை தேர்வு செய்யும் வாடிக்கையாளர்களுக்கு விலை மேலும் உயரும்.

அமெரிக்காவில் எவ்வளவு?

அமெரிக்காவில் iPhone 18 Pro-வின் ஆரம்ப விலை $1,199 ஆகவும், iPhone 18 Pro Max-ன் ஆரம்ப விலை $1,299 ஆகவும் நிர்ணயிக்கப்பட்டுள்ளது. இந்திய விலையுடன் ஒப்பிடும்போது அமெரிக்க ஆரம்ப விலை குறைவாக உள்ளது. இருப்பினும் அமெரிக்காவில் விற்பனை வரி மாநிலத்திற்கு மாநிலம் மாறுபடுவதால், அங்கு செலுத்த வேண்டிய இறுதி தொகை இடத்தைப் பொறுத்து மாறலாம்.

கனடாவில் iPhone 18 Pro விலை

கனடாவில் iPhone 18 Pro-வின் ஆரம்ப விலை 1,749 கனடிய டாலர்கள். iPhone 18 Pro Max மாடல் 1,899 கனடிய டாலர்கள் என்ற ஆரம்ப விலையில் உள்ளது. இதனால் அமெரிக்காவைத் தொடர்ந்து கனடாவும் iPhone 18 Pro குறைந்த விலையில் கிடைக்கிறது.

செப்டம்பர் 12 முதல் முன்பதிவு

iPhone 18 Pro மற்றும் iPhone 18 Pro Max ஆகியவற்றுக்கான முன்பதிவு செப்டம்பர் 12 முதல் தொடங்குகிறது. இந்தியா உள்ளிட்ட 65-க்கும் மேற்பட்ட நாடுகளில் ஒரே கட்டத்தில் முன்பதிவு தொடங்கும் என்று ஆப்பிள் தெரிவித்துள்ளது. இதையடுத்து புதிய iPhone மாடல்கள் செப்டம்பர் 18 முதல் விற்பனைக்கு வருகின்றன.

புதிய iPhone-ல் முக்கிய மாற்றங்கள்

iPhone 18 Pro மற்றும் Pro Max மாடல்களில் புதிய A20 Pro சிப் பயன்படுத்தப்பட்டுள்ளது. கேமரா அமைப்பிலும் முக்கியமான மாற்றம் செய்யப்பட்டுள்ளது.

iPhone 18 Pro மற்றும் Pro Max நான்கு நிறங்களில் கிடைக்கின்றன. மேலும், இரண்டு மாடல்களும் 256GB முதல் 2TB வரையிலான சேமிப்பு திறன் கொண்டவை.