அமெரிக்க அரசின் நிர்வாகத் துறைகளில் செயற்கை நுண்ணறிவைக் குறிக்க “சூப்பர் இன்டெலிஜென்ஸ்” மற்றும் SI என்ற சொற்களைப் பயன்படுத்துமாறு அறிவுறுத்தப்பட்டுள்ளது.
.si இணையதள முகவரிகளுக்கு திடீர் மவுசு
.si என்பது முதலில் ஸ்லோவேனியா நாட்டுக்காக ஒதுக்கப்பட்ட இணையதள முகவரியாகும். இந்தியாவுக்கு .in, சீனாவுக்கு .cn, பிரிட்டனுக்கு .uk இருப்பதைப் போல ஸ்லோவேனியாவுக்கு .si பயன்படுத்தப்படுகிறது. ஆனால் SI என்பது “Super Intelligence” என்பதற்கான சுருக்கமாகவும் இருப்பதால் தற்போது .si இணையதள முகவரிகளுக்கு திடீர் மவுசு அதிகரித்துள்ளது.
ஒரே மாதத்தில் 44 ஆயிரம் முகவரிகள்
ஸ்லோவேனியாவின் இணையதள முகவரி பதிவகத் தரவின்படி, செப்டம்பர் மாதத்தில் மட்டும் சுமார் 44,000 .si இணையதள முகவரிகள் பதிவு செய்யப்பட்டுள்ளன.
சைபர் பாதுகாப்பு நிறுவனமான நெட்கிராஃப்ட் வெளியிட்ட ஆய்வின்படியும், டிரம்ப் செப்டம்பர் 22 அன்று ஐ.நா. உரையில் “சூப்பர் இன்டெலிஜென்ஸ்” என்ற பெயரைப் பயன்படுத்துவதாக தெரிவித்த பிறகு .si இணையதள முகவரிகளுக்கான பதிவு வேகம் அதிகரித்துள்ளது.
7 கோடி டாலருக்கு விற்பனை
AI.com என்ற இணையதள முகவரி 2026 பிப்ரவரியில் 7 கோடி அமெரிக்க டாலருக்கு, அதாவது சுமார் ரூ.630 கோடிக்கு விற்கப்பட்டதாக தகவல் வெளியாகியுள்ளது. அதேபோல் bot.ai என்ற முகவரியும் 2025ஆம் ஆண்டு சுமார் ரூ.11 கோடிக்கு விற்பனை செய்யப்பட்டதாக தெரிவிக்கப்பட்டுள்ளது.
இதனால் தற்போது .si முகவரிகளை பதிவு செய்பவர்கள், எதிர்காலத்தில் “சூப்பர் இன்டெலிஜென்ஸ்” என்ற சொல் பரவலாகப் பயன்படுத்தப்பட்டால் இதுபோன்ற அதிக மதிப்புள்ள விற்பனை வாய்ப்பு உருவாகலாம்
