இந்தியாவில் பிரபலமான இருசக்கர வாகன நிறுவனமான ராயல் என்ஃபீல்டு, 2026 செப்டம்பர் மாதத்தில் இதுவரை இல்லாத அளவுக்கு மொத்தம் 1,33,958 பைக்குகள் விற்பனை செய்யப்பட்டுள்ளன. ராயல் என்ஃபீல்டின் வரலாற்றில் ஒரு மாதத்தில் பதிவான அதிகபட்ச விற்பனை இதுவாகும்.
செப்டம்பர் மாதத்தில் உள்நாட்டு சந்தையில் மட்டும் 1,21,326 பைக்குகள் விற்பனையாகியுள்ளன. கடந்த ஆண்டு இதே மாதத்தில் 1,13,573 பைக்குகள் விற்பனை செய்யப்பட்டிருந்த நிலையில், உள்நாட்டு விற்பனை 7 சதவீதம் உயர்ந்துள்ளது.
ராயல் என்ஃபீல்டு சமீபத்தில் ஹிமாலயன் 440 மோட்டார்சைக்கிளை அறிமுகப்படுத்தியது. இந்த மோட்டார் சைக்கிளுக்கு எதிர்பார்த்ததை விட அதிகமான வரவேற்பு கிடைத்துள்ளதாக நிறுவனம் தெரிவித்துள்ளது. இதற்கான முன்பதிவு அடுத்த ஆறு மாதங்களுக்கான உற்பத்தி அளவை எட்டியுள்ளதாக தெரிவித்தது.
முன்பதிவு மற்றும் வரவேற்பு காரணமாக உற்பத்தி மற்றும் விற்பனையை அதிகரிக்க நிறுவனம் தயாராகி வருகிறது. மேலும், புதிய மாடல்கள் மூலம் வாடிக்கையாளர்களை ஈர்க்கும் நடவடிக்கைகளும் தொடர்ந்து நடைபெற்று வருகின்றன.
