நெல்சன் திலீப்குமார் இயக்கத்தில் ரஜினிகாந்த் நடித்த ‘ஜெயிலர் 2’ திரைப்படம் கடந்த அக்டோபர் 15 ம் தேதி உலகம் முழுவதும் வெளியானது. முதல் பாகத்திற்குக் கிடைத்த வரவேற்பைத் தொடர்ந்து, அதன் இரண்டாம் பாகத்திற்கும் ரசிகர்கள் மத்தியில் நல்ல வரவேற்பு கிடைத்துள்ளது.
சன் பிக்சர்ஸ் தயாரித்துள்ள இப்படத்தில் தமிழ், மலையாளம், கன்னடம், இந்தி திரையுலகைச் சேர்ந்த பல முன்னணி நடிகர்கள் இடம்பெற்றுள்ளனர். அனிரூத் இந்த படத்திற்கு இசை அமைத்துள்ளார்.
படம் வெளியான முதல் நாளில் இப்படம் உலகளவில், ரூ.125.25 கோடி வசூல் செய்தது. தமிழில் ரூ.43.35 கோடி, தெலுங்கில் ரூ.12.50 கோடி, ஹிந்தியில் ரூ.3.50 கோடி, கன்னடத்தில் ரூ.35 லட்சம் வசூல் செய்தது. வாரவிடுமுறை மற்றும் ஆயுதபூஜை விடுமுறை காரணமாக படத்தின் வசூல் மேலும் அதிகரித்துள்ளது.
தற்போது, படம் வெளியாகி 5 நாட்கள் ஆன நிலையில் உலகளவில் செய்துள்ள வசூல் குறித்த தகவல் வெளியாகியுள்ளது. அதன்படி, இந்தியாவில் மட்டும் இப்படம் ரூ.283.75 கோடி வசூல் செய்துள்ளது. உலகளவில் ரூ.477.75 கோடியை எட்டியுள்ளது.
