பஜாஜ் நிறுவனம் தனது பிரபலமான பல்சர் என்எஸ்200 இருசக்கர வாகனத்தைப் புதிய வசதிகளுடன் அறிமுகப்படுத்தியுள்ளது. புதிய மாடலில் டிஎஃப்டி திரை, கூகுள் மேப்ஸ் வழிகாட்டி வசதி, ரைடிங் மோடுகள் உள்ளிட்ட பல்வேறு வசதிகள் உள்ளன. இந்த புதிய பல்சர் என்எஸ்200 மோட்டார் சைக்கிளின் தொடக்க விலை ரூ.1,60,374 ஆக நிர்ணயிக்கப்பட்டுள்ளது.
புதிய பல்சர் என்எஸ்200 மாடலில் 5 அங்குல டிஎஃப்டி திரை வழங்கப்பட்டுள்ளது. இந்தத் திரையில் புளூடூத் இணைப்பு, அழைப்பு மற்றும் குறுஞ்செய்தி அறிவிப்புகள், கூகுள் மேப்ஸ் வழிகாட்டி போன்ற வசதிகளைப் பயன்படுத்தலாம். மேலும், கைப்பேசி உள்ளிட்ட மின்னணு சாதனங்களை சார்ஜ் செய்வதற்காக யுஎஸ்பி டைப்-சி சார்ஜிங் வசதியும் வழங்கப்பட்டுள்ளது.
இந்த புதிய மாடலில் ரோடு, ரெயின், ஸ்போர்ட், ஆஃப்-ரோடு, டூர் என ஐந்து ரைடிங் மோடுகளைத் தேர்வு செய்ய முடியும். அதேபோல், திடீரென பிரேக் போடும்போது பின்னால் வரும் வாகனங்களுக்கு எச்சரிக்கை அளிக்கும் பேனிக் பிரேக் அலர்ட் வசதியும் சேர்க்கப்பட்டுள்ளது.
புதிய பல்சர் என்எஸ்200 மாடல் 199.5 சிசி இயந்திரம் கொண்டது. இதில் முக்கியமான மாற்றம் என்னவென்றால் கியரை மாற்றும்போது ஒவ்வொரு முறையும் கிளட்ச் பிடிக்க வேண்டிய அவசியம் இருக்காது. இதனால் கியர் மாற்றுவது எளிதாக இருக்கும்.
