மாருதி சுசுகி பிரெஸ்ஸா இந்தியச் சந்தையில் அறிமுகமானது முதல் வாடிக்கையாளர்களிடையே நல்ல வரவேற்பைப் பெற்றுள்ளது. வாகனச் சந்தையில் முக்கிய இடம் பிடித்துள்ள பிரெஸ்ஸா, புதிய வடிவமைப்பு, தொழில்நுட்ப வசதிகள் ஆகியவை வாடிக்கையாளர்களைக் கவர்ந்து வருகிறது. சிறிய ரக எஸ்யூவி கார்களை வாங்க விரும்பும் வாடிக்கையாளர்களுக்கு இது நல்ல தேர்வாக அமைகிறது.
மாருதி சுசுகி பிரெஸ்ஸா காரின் தொடக்க விலை ரூ.7.50 லட்சமாகவும், உயர்நிலை மாடலின் விலை ரூ.13.70 லட்சமாகவும் உள்ளது. பிரெஸ்ஸா போட்டியிடும் கார்களில் டாடா நெக்ஸான், ஹூண்டாய் வென்யூ, கியா சோனெட், மஹிந்திரா எக்ஸ்யூவி 3XO, ஸ்கோடா கைலாக், நிசான் மேக்னைட் மற்றும் ரெனால்ட் கைகர் ஆகியவை இடம்பெறுகின்றன.
2026-ல் அறிமுகப்படுத்தப்பட்ட புதிய பிரெஸ்ஸா டர்போ மாடலில் 1.0 லிட்டர் டர்போ பெட்ரோல் எஞ்சின் வழங்கப்படுகிறது. சிஎன்ஜி மாடலில் 1.5 லிட்டர் எஞ்சின் வழங்கப்படுகிறது. எரிபொருள் செலவைக் குறைக்க விரும்புவோருக்கு இது நல்ல தேர்வாக அமைகிறது.
இந்நிலையில், மாருதி சுசுகியின் பிரெஸ்ஸா 15 லட்சம் கார்கள் விற்பனை செய்து சாதனை படைத்துள்ளது. புதிய பிரெஸ்ஸா மாடலுக்கு ஒரு லட்சத்துக்கும் அதிகமான முன்பதிவுகள் கிடைத்துள்ளதாக நிறுவனம் தெரிவித்துள்ளது.
