Jio vs Airtel : மாதம் ஒருமுறை ரீசார்ஜ் செய்யாமல் ஆண்டுக்கு ஒருமுறை ரீசார்ஜ் செய்ய விரும்பும் மொபைல் பயனர்களுக்கு, ஜியோ மற்றும் ஏர்டெல் ஆகிய இரு நிறுவனங்களும் ரூ.3,599 விலையில் ஆண்டு ரீசார்ஜ் திட்டங்களை வழங்குகின்றன. இரு திட்டங்களுக்கும் 365 நாட்கள் சேவை காலம் உள்ளது. ஆனால் தினசரி டேட்டா மற்றும் கூடுதல் டிஜிட்டல் சலுகைகளில் வேறுபாடுகள் என்ன என்பதை இந்த பதிவில் பார்ப்போம்.
ஜியோ ரூ.3,599 திட்டத்தில் என்ன கிடைக்கும்?
ஜியோவின் ரூ.3,599 ஆண்டு திட்டத்தில் 365 நாட்கள் வேலிடிட்டி வழங்கப்படுகிறது. தினமும் 2.5 ஜிபி அதிவேக டேட்டா, அன்லிமிடெட் கால் வசதி மற்றும் தினமும் 100 எஸ்எம்எஸ் வழங்கப்படுகின்றன.
இதற்கு மேலாக, தற்போதைய 10ஆம் ஆண்டு சிறப்பு சலுகையின் கீழ் 10 ஜிபி வீதம் 12 டேட்டா வவுச்சர்கள் வழங்கப்படுகின்றன. இதன் மூலம் கூடுதலாக 120 ஜிபி டேட்டா பெற முடியும். இந்த வவுச்சர்களை MyJio செயலியில் இருந்து பயனர்கள் தனியாக பயன்படுத்த வேண்டும். ஒவ்வொரு வவுச்சருக்கும் 30 நாட்கள் செல்லுபடியாகும்.
JioHotstar Mobile + Hollywood, JioTV மற்றும் JioAICloud போன்ற சேவைகளுக்கான சலுகைகளும் இந்த திட்டத்துடன் இணைக்கப்பட்டுள்ளன. மேலும் Google AI Pro உள்ளிட்ட கூடுதல் சலுகைகள் கிடைக்கின்றன.
Airtel ரூ.3,599 திட்டத்தில் என்ன கிடைக்கும்?
Airtel-ன் ரூ.3,599 திட்டத்திலும் 365 நாட்கள் வேலிடிட்டி வழங்கப்படுகிறது. இதில் தினமும் 2 ஜிபி டேட்டா, அன்லிமிடெட் கால் வசதி மற்றும் தினமும் 100 எஸ்எம்எஸ் வசதிகள் கிடைக்கின்றன. இதனுடன் அன்லிமிடெட் 5G டேட்டா சலுகையும் வழங்கப்படுகிறது. மேலும் 12 மாதங்களுக்கு Adobe Express Premium போன்ற கூடுதல் சலுகைகளும், Airtel Xstream Play மற்றும் HelloTunes போன்ற சேவைகளும் இந்த திட்டத்தில் இடம்பெற்றுள்ளன.
இதையும் படிங்க : இந்தியாவில் மட்டும் iPhone விலை ஏன் அதிகம்? இதுதான் உண்மையான காரணம்.!
இரண்டு திட்டங்களுக்கும் உள்ள முக்கிய வேறுபாடு
இரண்டு திட்டங்களின் அடிப்படை விலை மற்றும் சேவை காலம் ஒரே மாதிரியாக இருந்தாலும், தினசரி டேட்டா அளவில் வித்தியாசம் உள்ளது.
Jio திட்டத்தில் தினமும் 2.5 ஜிபி டேட்டா கிடைக்கிறது. Airtel திட்டத்தில் தினமும் 2 ஜிபி டேட்டா வழங்கப்படுகிறது. அதே நேரத்தில், இரண்டிலும் 365 நாட்கள் செல்லுபடியாகும் காலமும் அன்லிமிடெட் அழைப்புகளும் உள்ளன.
ரூ.3,500க்கு மேல் UPI ரீசார்ஜ் செய்தால் கட்டணம் வருமா?
ரூ.3,500 போன்ற அதிக மதிப்புள்ள மொபைல் ரீசார்ஜ்களை UPI மூலம் செய்யும்போது கூடுதல் கட்டணம் வசூலிக்கப்படுமா என்ற கேள்வி எழுந்துள்ளது.
ரூ.2,000க்கு மேற்பட்ட தொகையை ஒரு நபரிடமிருந்து மற்றொரு நபருக்கு அனுப்பும் UPI பரிவர்த்தனைகளுக்கு இந்த MDR பொருந்தாது என தெரிவிக்கப்பட்டுள்ளது. எனவே, ரூ.3,599 மொபைல் ரீசார்ஜ் செய்வதற்கு முன், பயன்படுத்தும் செயலி மற்றும் ரீசார்ஜ் தளத்தில் காட்டப்படும் இறுதி தொகையை பயனர்கள் சரிபார்ப்பது முக்கியம்.
இதையும் படிங்க : லேப்டாப்பின் USB போர்ட் மூலம் போனுக்கு சார்ஜ் போடுறீங்களா? – இதை தெரிஞ்சுக்கோங்க..!
