முன்னாள் இந்திய கிரிக்கெட் வீரரான வீரர் வீரேந்திர சேவாக், தற்போது எமதர்மன் வேடத்தில் இருக்கும் புகைப்படம் சமூக வலைதளங்களில் வைரலாக பரவி வருகிறது. இதற்கு முன்பு டாக்டர் மற்றும் பள்ளி ஆசிரியர் போன்ற தோற்றங்களிலும் அவர் புகைப்படங்களை வெளியிட்டிருந்தார்.
வீரேந்திர சேவாக் ‘Rise and Fall Season 2’ என்ற ரியாலிட்டி நிகழ்ச்சியை தொகுத்து வழங்க உள்ளார். இந்த நிகழ்ச்சியின் புரமோ வெளியாகியுள்ளது. அதில் சேவாகின் பல்வேறு தோற்றங்களும் இடம்பெற்றுள்ளதாக தகவல்கள் தெரிவிக்கின்றன.
இந்த நிகழ்ச்சி MX Player தளத்தில் செப்டம்பர் 26-ம் தேதி முதல் தொடங்க உள்ளது. கிரிக்கெட் துறையில் நீண்ட காலம் ரசிகர்களை கவர்ந்த சேவாக், தற்போது ரியாலிட்டி நிகழ்ச்சி தொகுப்பாளராக புதிய பொறுப்பை ஏற்கிறார்.
இந்த நிகழ்ச்சியில் நடிகை ஸ்வரா பாஸ்கர், ரியாலிட்டி நிகழ்ச்சிகள் மூலம் அறிமுகமான பிரியங்கா சாஹர் சௌத்ரி, தொலைக்காட்சி நடிகர் கரண் படேல் மற்றும் அரசியல் விமர்சகரும் வர்ணனையாளருமான ஷெஹ்சாத் பூனாவாலா ஆகியோர் இதில் பங்கேற்க உள்ளதாக தெரிவிக்கப்பட்டுள்ளது.
‘Rise and Fall’ நிகழ்ச்சியின் முந்தைய சீசனில் நடிகர் அர்ஜுன் பிஜ்லானி வெற்றியாளராக இருந்தார். இந்நிலையில், இரண்டாவது சீசனில் வீரேந்திர சேவாக் தொகுப்பாளராக களமிறங்குகிறார். இந்த நிகழ்ச்சிக்காக அவர் புகைப்படங்களை பகிர்ந்துள்ளார்.
